Wikipidiya:Garang

Jolma Kumoring joda da salah say bangsa say notop di satijang aliran Way Kumoring di Ranaw laju di Kayu Agung. Jolma Kumoring sa sabagiyan balak ngaman di Ogan Komering Ulu Timur, wat munih di kabupatiyan barih cara Kumoring Bengkulah di Ogan Komering Ilir, wat munih di Ogan Komering Ulu, Ogan Komering Ulu Selatan, panday ticawako di wilayah Ogan Komering Balak, Palimbang rik di tanoh rantaw. Jolma Kumoring sa uwat ciri khas, joda da tiyan ngagaduh jajuluk, tiyan ja bubasa Kumoring dilom hurik saharanina.

Apiya Wikipidiya ho?

Wikipidiya joda da balay tinoduh (encyclopedia) say ticawih dilom lamon macom basa (multilingual) rik hyngan tidandani, tisalin, rik tibagiko bak sapa juga sacara bibas.

Balay tinoduh sa salah osay proyek say diluwahko bak samungkal paningku'an nirlaba say bugolar Wikimedia Phoundation. Bakdu garatis, Niku makin da ambayar untuk andaphtarko akun rik ambaca kaunyin suratan say uwat dija sa. Sapa juga pacak jadi sukarilawan haga tuha atawa ngura, say ponting katoduh rik panday bubasa Kumoring.

Sabarih dilom basa Kumoring, Wikipidiya wat munih dilom pipira basa barih say ticawako di Indunisiya: Acih, Bali, Banjar, Banyumas, Batawi, Bugis, Guruntalu, Iban, Indunisiya, Jawo, Madura, Mandahyling, Malayu Balak, Minang, Niyas, Sunda, Titum, rik Tuba.

Payu ngombangko Wikipidiya!

Lah ija joda da Wikipidiya basa Kumoring, kaunyin suratan dija sa porlu bubasa Kumoring saponuhna mak dapok campur-campur rik basa barih kacuwali kata-katana makka dilom basa Kumoring. Samakkung ngaguway halaman ompay congkiko pay halaman say haga tiguwayko ho kok uwat api makkung ka mari mak dobal. Sapoja cara ngaguway halaman ompay, surat langsung juga "Golar Suratan" dilom kutak di bah ho. Misalna, halaman "basa Kumoring" langsung surat dija sa sabagay Basa Kumoring. Picit kutak say uwat paling di bah untuk ngaguway halaman ompay, raduna surat tentang apiya say haga tiguwayko halamanna, amon kok radu picit tumbul biru say suratanna Guway Halaman Ompay.

Wikipidiya basa Kumoring haga tikombangko lagi mon uwat sukarilawan say haga luluk-paluk dija. Payu bagi kuti say pacak bubasa Kumoring dang liyom-liyom untuk ngaguway halaman anyar dija sa. Mon mak kita, sapa lagi say haga ngahurikko basa kita Kumoring mari pacak dikonal duniya.

Proyek barih Wikimidiya